پوسٹ اچھی لگے تو دوسروں کی بھلائی کے لیے ضرور شیئر کریں
کورونا وائرس
مکمل معلومات یکجا
تحریر: ڈاکٹر یونس خان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس مضمون میں کورونا وائرس کے حوالے سے تمام ضروری معلومات کو یکجا کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس کیا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
🔹ناول کورونا وائرس یا SARS-Cov2 ، سارس وائرس کی تبدیل شدہ قسم ہے۔ اس سے جو مرض لاحق ہوتا ہے، اسے Covid-19 کا نام دیا گیا ہے۔
🔹وائرس ایسے خردبینی اجسام کو کہا جاتا ہے جو جاندار اور بے جان کے مابین ہیں۔
🔹ان کا جسم دو حصوں پر مشتمل ہوتا ہے۔
1۔ آر این اے RNA یا ڈی این اے DNA کا اندرونی دھاگہ
2۔ پروٹین کا خول
🔹بعض وائرسز میں لیپڈ کی میمبرین کا اضافی غلاف بھی ہوتا ہے۔
🔹کورونا وائرس، آر این اے وائرس ہے اور اس میں لیپڈ کا غلاف بھی ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس کیسے منتقل ہوتا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس کی منتقلی کے دو طریقے ہیں۔
1۔ مریض کے کھانسنے، چھینکنے یا سانس لینے سے براہِ راست تندرست انسان کو منتقل ہوتا ہے بشرطیکہ دونوں کا فاصلہ ایک میٹر سے کم ہو۔
2۔ مریض کے استعمال شدہ برتن، تولیہ، رومال، دروازے کے ہینڈل، کی بورڈز، موبائل یا دیگر اشیاء کو چھونے کے بعد اگر ہاتھ چہرے، ناک، منہ یا آنکھوں پر لگایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اہم علامات کیا ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس کا انکیوبیشن پیریڈ 2 سے 14 دن ہے۔ یہ وہ عرصہ ہے جس میں وائرس جسم میں داخل ہو چکا ہوتا ہے مگر اس کی علامات ابھی ظاہر نہیں ہوئی ہوتیں۔ اس عرصے کی تکمیل کے بعد یہ علامات ظاہر ہوتی ہیں۔ (بہت سے مریضوں میں کوئی علامت ظاہر نہیں ہوتی)
1۔ بخار
2۔ کھانسی اور گلے میں درد یا خراش
3۔ سر درد
4۔ سانس لینے میں مشکل
5۔ ناک کا بہنا
6۔ تھکن اور پورے جسم میں درد
7۔ شدید انفیکشن میں پھیپھڑے نمونیا کا شکار ہو جاتے ہیں اور یہی اس کا سب سے خطرناک پہلو ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس کتنی دیر تک فعال رہتا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔ سٹیل اور پلاسٹک پر دو سے تین دن۔
2۔ دیگر سطحوں پر آٹھ گھنٹے۔
3۔ کاغذ، گتہ اور کرنسی نوٹ پر 24 گھنٹے۔
4۔ ہوا میں دو سے تین گھنٹے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا احتیاطی تدابیر کی جائیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔ ایک دوسرے سے تین فٹ سے زیادہ فاصلہ قائم رکھیں۔
2۔ ہاتھ نہ ملائیں، معانقہ نہ کریں۔
3۔ چہرے، ناک، آنکھ اور منہ پر قطعی طور پہ ہاتھ نہ لگائیں۔
4۔ گھر سے باہر نہ نکلیں اور گھر کی تمام کھڑکیاں کھلی رکھیں تاکہ تازہ ہوا آتی رہے۔
5۔ کھانا کھانے یا پکانے سے پہلے صابن سے ہاتھ دھوئیں، پورے بیس سیکنڈ تک۔
6۔ گھر سے باہر نکلیں تو بہتر ہے ماسک لگا کر نکلیں۔ اور کسی سے ہاتھ نہ ملائیں۔ اپنا تھیلا لے کر جائیں۔ اور بقایا رقم الگ تھیلی میں رکھیں۔
7۔ گھر واپس آتے ہی سب سے پہلے ہاتھ صابن سے دھوئیں۔
8۔ گھر سے باہر ہوں یا پانی دستیاب نہ ہو تو سینیٹائزر استعمال کریں۔ (اہم نوٹ: صابن کی پاور سینیٹائزر سے کئی گنا زیادہ ہے۔ یہ قدرت کا انمول تحفہ ہے)
المختصر دو امور یاد رکھیں: اول تین فٹ کا فاصلہ، دوئم, ہاتھ رہیں چہرے سے دور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کونسی غذائیں استعمال کریں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنے مدافعتی نظام کو طاقتور بنانے کے لئے یہ غذائیں استعمال کریں۔
1۔ تازہ پھل اور سبزیاں
2۔ دودھ، دہی، انڈے، گوشت، دالیں
3۔ ڈرائی فروٹس (صرف بیس گرام روزانہ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نزلہ زکام کے مریض کیا کریں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔ خود کو باقی گھر والوں سے الگ کر لیں۔
2۔ کمرے کی کھڑکی کھلی رکھیں۔
3۔ پیراسیٹامول لیتے رہیں۔
4۔ ٹشو صرف ایک بار استعمال کریں، پھر کسی پلاسٹک بیگ میں ڈسپوز کریں۔
5۔ بھاپ لیں اور نمک کے پانی کے غرارے کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ذہنی صحت کو کیسے قائم رکھیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔ خبریں بار بار مت سنیں۔
2۔ اپنے آپ کو پسندیدہ مشاغل میں مصروف کریں۔
3۔ گھر والوں سے گپ شپ کریں۔
4۔ دوستوں اور عزیزوں سے فون پر رابطہ رکھیں۔
5۔ افواہوں اور غیر مستند معلومات یا ویڈیوز پر کان نہ دھریں اور نہ آگے پھیلائیں۔